Հայաստանի գործարար պատվիրակության այցը Լյուքսեմբուրգ

04 հոկտեմբերի, 2022

ՀՀ էկոնոմիկայի նախարարի տեղակալ Արմեն Արզումանյանի գլխավորած պատվիրակությունն այցելել է Լյուքսեմբուրգի Մեծ Դքսություն՝ երկու երկրների միջև դիվանագիտական հարաբերությունների հաստատման 30-ամյակի կապակցությամբ սեմինար և B2B ձևաչափով հանդիպումներ անցկացնելու նպատակով։

Կայացել է հանդիպում Լյուքսեմբուրգի էկոնոմիկայի նախարար Ֆրանց Ֆայոյի հետ, քննարկվել են երկկողմ տնտեսական համագործակցության զարգացման, մասնավորապես՝ առևտրատնտեսական կապերի ընդլայնման հեռանկարները։

Արմեն Արզումանյանը հանդիպումներ է ունեցել նաև Լյուքսեմբուրգի Առևտրի պալատի գործադիր տնօրենի, ինչպես նաև Cargolux ընկերության ներկայացուցչի հետ։

Այս առիթով MERKUR ամսագիրը՝ Լյուքսեմբուրգի առևտրի պալատի տնտեսական գործունեության մասին պաշտոնական պարբերականը, Հայաստանի մասին ծավալուն հոդված է հրապարակել իր հերթական համարում։

Միջոցառման շրջանակում մի քանի լյուքսեմբուրգյան ընկերությունների հետ հստակ գործնական պայմանավորվածություններ են ձեռք բերվել Հայաստանում գործունեություն սկսելու վերաբերյալ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր